DRAMA KONTEKSTUAL || Relevan dengan kehidupan bermasyarakat dan Gereja GPKB

 MARDAME NA SINTONG 

(Karya : Kristofel dBm sianipar)

 

 
Prolog 
Disada huta adong ma dua keluarga na marbadai ima Ama Ramos dohot Ama Mukkal. Pola do sampe 10 taon nasida marbada hinorhon ni na marsigulut gabe raja di huta i. Alai tubu ma tu roha ni ianakhon nasida asa boe muse denggan songon najolo andorang so margulut dope natuatua ni  nasida gabe raja ni huta
 
 
Hujou hami ma angka pemeran ni drama singkat on 
 
Ama Ramos  : 
Nai ramos : 
Si Ramos : 
Ama Mukkal : 
Nai Mukkal  : 
Si Mukkal : 
Parlapo : 
Polisi          : 

 
Babak #1 
 
Ama Ramos : 

(Manuktuki pintu jabu ni ama Mukkal) didia doho nuaeng oe ama ni mukkal kaluar ho!!  Dang na boe aduonmu hamoraonku da au do na pantas gabe raja dihuta on. Motor hu 4 horbokku 10,pinahan lobu pe dang hakiraan ho ala ni godang na. 

Ama mukkal :  

(mambuka pintu jala mambalos hata ni ama ramos)  ai aha do nimmu ama ni ramos. Godang pe motormu na digadehonko do angka tano ni natuatuam. Alai molo au 2 pe motorhu alai sian karingathu doi martigatiga tu onan an. Gok pe horbom alai na kongsi do ho dohot jolma.alai molo au 1 do horbbokku alai horboku sandiri doi jadi unang paginjangku roham. 

Nai mukkal  :

Ido.. inantam pe holan na margaya alai metasi do dipakke. Dang songon au on (sambil patuduhon mas na) mas hu godang. Jadi amattakkon do na pantas gabe raja di huta on

Nai ramos :  

Pasip ma disi, so maila ho mamakke mas alai bajum sai holan i dipakke ho. Badak mu pe badak ma mura² do ala mura luntur huida sian bohim. Ida jo atttong bohikkon slebewww  !!!! jadi amatta jabu nami on do na pantas raja di huta on
 
Ramos :

Nga sae be i bapa , oma unang be sai gaor hamu gabe targanggu au belajar, naeng ujian sogot. 

Ama ramos : 

Diam ho disi !! Gariada molo diberengho adong halak mangasangi au bapakmu ikkon dohot do ho mangalo. Lao ma ho tu jabu unang campuri. 

Mukkal :  

Beta ma tujabu bapa, oma maila hita dibereng² panonton an hamu marbadai nga naeng tonga borngin muse on. 
(Sambil menarik orgtuanya ke dalam rumah)
  
Babak #2 
Prolog
Dung piga minggu, di naso panagaman rap jumpa ma ama ramos dohot ama mukkal disada lapo, pola do marbada muse nasida taringot parguluton naeng  raja ni huta nasida
 
Parlapo :  

Nion tuak muna on ito alai laos bayar ito ma annong dohot utangmuna na minggu na lewat 

Ama ramos :  

Bah songonna di asta ho au parlapo, unang dirippu ho na    soboe huborong sude tiga²mon, holan 1 pe ban ni motor han annong boe do manuhor sude tiga²mon dohot tiang ni lapo mon

Parlapo :

Ai ginjang ma roham ito, holan paingothon do au !!
 
(Di naso panagaman ro ma ama mukkal tu lapo i) 
  
 
Ama mukkal :

Bah, so maila hape ho kedan sai mandok ho namora alai marutang di lapoon. Dia ma boe ho gabe raja di huta on. Pehh.... dao ma si dao dao !! Parlapo,,, baen jo di au sagendi tuak i. On hepengna na lobi nai diho. 

Ama ramos :

So maila ho sai mangihut bogas hu. Na so dipaloas be ho haroa di lapo ni ama takkuluk an ate umbahen ro ho mangihut² au tu lapoon. Asa diboto ho dang na so targarar au sude na adong dilapoon. Alai asa sude do halak di huta on umboto na si seganan au.Dipatudu ho hepengmu na sai, di atm an gok hepengku. (Ihut mamukkul meja)  

Ama mukkal : 

Bah songonna dipukkul ho meja i na boha do, so hu penjarahon ho ai apala tondongku do kapolres dison

Ama ramos  : 

Kapolres nimmu dope, si sambo apala hami mai. 
 
(Marbadai ma nasida alai pittor ditolai parlapo ima ihut manggora jolma asa dipasirang nasida) 
 
Parlapo :   

Ago yamang... tola tola tola !! boasa gabe parbadaan dibaen hamu lappokkon, ai dalan ni ngolukku do on alai disusai hamu au. Lao hamu !! Tolong hamu na jo huta, tolai hamu jo unang holan sai holan na manonton hamu na sian i
(Pittor ro ma polisi tu inganan i)
Polisi     :   

Angkat tangan jangan bergerak !!  

Ama ramos  :   

Dang au na sala pak polisi, ibana ma takkup ibana do ro manggaori tu lapoon. Au do parjolo ro tuson. Ibana ma takkup 
 
 
(Diboanma ama ramos dohot ama mukkal tu kantor polisi laos ditahan)
 
  
Ama ramos  :

Daong tahe pak polisi, ibana ma takkup ai au do na pantas gabe raja di huta on. Jala molo boe do ibana takkup onmu hulean pe  horbokku sada di ho jala dung gabe au raja hubaen naik pangkatmu 

Parlapo  :

Tolong pak polisi halaki nadua do na sala gabe manggaori lapokkon. Sandok takkup ma halaki nadua. 

Polisi  : Tangan dibelakang, ayo ikut ke kantor !! 
 
 
Babak #3 
Prolog  
Nunga 3 bulan tahe dibagas penjara ama ramos dohot ama mukkal. Sai marsak jala tumatangis ma inanta dohot ianakkon nasida di huta. Disada tingki jumpa ma si ramos ianakkon ni ama ramos dohot si mukkal ianaokkon ni ama mukkal, laos manghatai ma nasida. 
 
Ramos :

Mukkal, mansai lungun do rohakku ala na dipenjara i bapakku. Ho boha do panghilalaanmu? 

Mukkal  :

Sarupa do (ihut tangis) sian na somal au diantar bapakku marmobil tu sikkola gabe hutaon ma mardalan ala so huboto dope mamakke mobil. Omakku pe nunga gabe mardalan pat tu arisanna. Dang adong be manaruhon 

Ramos  : 

Au pe mansai marsak hian do rohakku dabah lae.. tetangga pe nunga gabe direhei au didok "namora alai dipenjara bapakna" ninna. Maila situtu au. Sohuboto pola sai margulut bapa i hape ujung²na tu penjara. 

Mukkal : 

Ima dah lae, au pe dang lomo rohakku gabe so masipanghulingan hita salelengon alani parbadaan ni orangtuatta. Masihol au songon najolo denggan hubungan keluargatta andorang so margulut naeng raja di huta on. 

Ramos : 

Attong boha ma baenonnta lae? Nunga 10 taon bapatta marbada. Hape sedangkan huting dohot bagudung nunga rap sapanganan nuaeng. Sipata maila iba kan lae 

Mukkal  : 

Songonon mai lae, lao ma hita tu kantor polisi sogot rap mandokkon ma hita tu bapatta asa unang be sai marbadai alana harugian do ujungna molo marsiadu takkang. 

Ramos : 

Setuju lae, sogot rap ma hita tu kantor polisi asa hudok tong tu bapakku songoni. 
(Laos mulak ma nasida tujabuna be)
 
Babak #4 
Prolog
Dung sogot nai, laho ma si ramos rap dohot inongna suang songoni si mukkal rap dohot inongna tu kantor polisi. Laos makkatai ma inakkon nai tu bapak na be. 
 
Ramos : 

Selamat malam pak, kami ingin berbicara dengan orangtua kami

Polisi :

Tunggu sebentar ya! (Sambil memanggil ama ramos dan ama mukkal) 
 
Mukkal  :

Bapa, ro au tuson rap dohot inong dohot lae si ramos dohot nantulang an laho mandok tu bapa dohot tu tulang asa unang be nian sai margulut kekuasaan hamu hape na mangarugi i hita do ujungna. Nga sae be bapa na nasai marbadai hamu dohot tulang on. Ai sa huta do hita sahuria alai sai margulut

Ramos :

Toho do na didok ni ale si mukkal i. Hita do sonari jala hita haduan. Nunga 10 taon hamu marbadai jala hami pe anakmuna dang masi antoan. Jumpa pe hami di sikkola dang masiantoan alani parbadaan muna. Jadi au dohot lae si mukkal nunga sepakat unang be nian huihuthon hami parbadaan muna dohot na ginulut² muna i

Ama ramos : 

(ihut tumatangis) tingkos do na didok mi anak hasianku mauliate ma dipaingot ho hami natua²m harugian do hape na marbadai alani siguluton i. On pe lae ama mukkal, minta maaf ma au na salelengon. Pola tahe sampe mangkorhon tu akka ianakkonta parbadaanta saleleng on 

Ama mukkal : 

Au pe minta maaf ma tu ho lae dohot tu inang nunga pola salpu hatangku jala sai hupakoras nang rohangku. Nuaeng au pe nunga sadar haotoon do hape salelengon na sai manggulut raja di huta hape on ma gabe mangae nang akka ianakkonta. Maaf ma au lae 

(Laos masihaolan ma natua² ni si ramos dohot si mukkal) 
 
Polisi : 

Kalau sudah berdamai maka silahkan bapak sekalian menandatangi surat perdamaian ini lalu anda boleh pulang dan dinyatakan BEBAS

Ama ramos + Ama mukkal  :  Mauliate pak polisi 
 
(Laos manjaha surat pernyataan) 
 

Kami yg bertanda tangan dibawah ini : ama ramos dan ama mukkal menyatakan telah berdamai dengan cara damai yaitu telah mengakhiri pertikaian kurang lebih 10 tahun. Kami disadarkan oleh anak kami dan oleh karena itu kami berjanji tidak akan saling rebut merebut kekuasaan tetapi akan saling mendahulukan dialog dengan baik dan mengutamakan kepentingan bersama diatas kepentingan pribadi. 

Terimakasih kepada anak kami yang tidak mau mewarisi konflik dari kami orangtua nya. 
Demikian surat ini kami perbuat dengan sadar tanpa unsur paksaan dan sebagai bukti perdamaian dengan cara damai. 
 
Jakarta, 21 desember 2022 
Tertandatangan. 
 
Lalu ama ramos dan ama mukkal beserta keluarga pulang dengan damai. 
Prolog penutup dan pesan drama : 
Di hamu amang, inang dohot hahaanggi nang pinaribot nunga tabege drama singkat na pinatupa ni akka gellengmuna remaja naposobulung GPKB. On ma gambaran ni parbadaan dohot parguluton na mambahen hasesega dohot harugion. Alani i hami sebagai generasi muda GPKB naeng ma boe nian songon si ramos dohot si mukkal asa tung boe gabe jarum tomu² pardomuan laho padamehon natua² na margulut manang marbadai. Alani i di hamu saluhutna ama ina nami natua-tua nami saluhutna na adong di inganan on asa podahon hamu mai tu hami jala hami pe angka na poso sipangoloi ma di poda muna ima poda na daulat asa tung boe hami songon pangidoan ni tema natal na pinatupa nami ima : bangkit menjadi terang (hehe jala marsinondang). 
Songoni ma jo drama na boe hupatupa hami, di haradeon muna paihut² sian na mamungka sahat tu na simpul hupasahat hami ma  mauliate godang. 

SEKIAN